Anjeun

Anjeun aya lain dina waktu nu payus

Anjeung datang dina jalan nu pada- pada nolak

Nanging ku anjeun..

Kula bisa robah..

Ku aya anjeun..

Panto nu bareto katutup..

Kiwari kabuka sanajan anjeun datang ngan ukur sakocepat

Anjeun datang nga mukakeun jalan fikiran kula,

Ngarobah tingkah polah kula,

Jeung ngajadikeun kula leuwih bisa narima..

Kana naon nu kuduna ditarima ayeuna jeung engke..

Dina jero tanggung jawab.

Teu maksud kula kieu..

Teu maksud nampik pangasih ku anjeun

Nanging dina leresan eta..

Naon nu kudu di lakukeun ku kula..

Bingung nu teu manggih tungtung..

Susah manah nu teu aya sudana

Nu tungtungna kula nyokot jalan ju buntu..

Hampura kula geus kitu ku kieu..

Mugia ieu jadi panyepret pikeun kula kahareupna

Sangkan bisa ngalakonan sagara pawenangan

Leuwih ati-ati dina mawa ngalengkah..

Sampurasun
27 Maret 2013

Kaharti..?

Hariring hate nu hudang.
narimakeun samemeh kaliwatan ku emutan.
jauh miheulaan tapak nu geus aya.
kamana lumpatna gening kalah susulumputan..!

Nyusul-nyusul nuu unggul.
neangan leutikna panganteur.
kaharti kitu yen ieuteh pikiraneun..!

Lir neundeun nu poho.
karagap deui sanajan geus jauh katingaleun.
suganteh moal kaalaman deui.
teu nyesakeun baheula nu jiga kieu.
boro lempeung teu ngalieuk-lieuk.
geuning langkung ti langkung ti baheula.

Rek iraha atuh menang nu pasti.
Lain erek tiheula baheulateh.
hanas dianteup dina waktu.
hanas ditingalkeun dina hanapeun panempo.
sok lah sanajan lain nu ieu.
tapi eta kudu bisa leuwih ti kieu.

Jigana kaharti...!
sanajan sare keneh kiwari.
kege bakal kahudangkeun.
ku nu sarua ti dieu.

sampurasun
23 Maret 2013

Angin Peuting

Peuting nu ngaheuning.
nyumputkeun sagara rasa.
netelakeun kaanggang nepikeun kaheman.

Hiliwirna angin.
lir sora nu nepikeun katresna manehna.
kajamparing ieu manah.
ka ancikan kadeudeuh nu pinuh.
saumpatna rasa ieu.
ngajadi bukti nu pasini.
kanyaah nu moal laas.
sanajan nepi ka bodas ieu nu nyacas.

Peuting nu mawa angin.
caang mun manehna bisa ngarasa.
sarupa jeung nu diteda.
sarupi jeung nu kudiri dianti-anti.
sanajan ngan ukur bawaning kilat.
sanajan ngan ukur karasa ku sukma.
lir ilang nulilir ku geuing.

Sok sing anteung dina kaendahan.
engke hiji waktu rek disampeur.
dina kecap janji nu bukti.

sampurasun
13 Mei 2013

Ngabukti

Datang wanci ngabuktikeun hiji ciri
ciri nu matri sayaktining diri
ngabukti pikeun nangtukeun papasten hiji
hiji hirup..
hiji nu hirup..
jeung hiji kahirupan...
geuning hese mun ukur bisa ngukur.
lain soteh itu tapi ieu mah ngagalur.
dina kecap nu tangtu mibanda saur...

Karandapan dina kahirupan.
loba nu meulit kana birit.
hampangna jiga mangku ku siku.
beuratna sarua jeung rupa.

Lamunmah bisa ka ala.
erek lumpat satarik kalangkang.
erek nyokot nu di luncatan ku batur.
jeung nyampeur nu dipihapekeun kana gagahna jaman.
sugan aya gantar kakaitan
beubeunangan kalayan tangan nu luhung.

sampurasun
03 Februari 2013

Katresna

Peuting mangsing cicing
miguraan hate nu mihareup panggeuing
peuting nu mukakeun katresna
bet kaemut rupi nu jadi ciri
ciri manehna nu pinuh ku kanyaah

Ayeuna baris karasa
kanyaah kadeudeuh kaasih
jadi hareupan sangkan bisa ngawanci deui
ngawujud dina raga nu pasti

Iraha kapibanda ku diri?
iraha datang sakumaha kuduna?
jeung waktu nu mana baris nuliskeun
lukisan pikeun ngahijikeun katresna ieu....

Inggis lamunmah kudu ka alaman
sieun ieu ngan ukur lamunan
eukeurna kitu ieu kanyaah..?
keur kuring kitu itu kadeudeuh..!
cikan hanyangteh aya lamaran basa
netelakeun sangkan pangeusi hate
lain ukur nu diukir tapi mawa takdir..

sampurasun
17 Januari 2013

Hariwang

Bulan nyaksi kana rungkangna diri
nyuluhan ku heningna peuting
ngagambarkeun naon nu matak ngajadi
sugan jeung sugan
aya basa nu menta
aya bisi nu pasini
mibanda katut ngaraksa
sakumaha nu diteda
gening kieu karasana..
jauh ku jauh
deukeut matak ngabeulit kana ruhiat
sugan udaganmah cicing
dina hanap jeung luhurna kahariwang..


sampurasun
11 Januari 2013