T A P A K

Judul : TAPAK
Tanggal : 20 November 2016
Pukul : 10.00 WIB
Label : Puisi Sunda
No. Karya : 0137

=============================================

Kangkalung layung wanci
mayar nganyar lir cumarita
nungkulan tunduk ka paseuk
neuleuman tapak sumalin.

Rumasa katanyaan kala
incah lugai tina teuteup
karampa mongkleng satukangeun
napakan kudu nu jadi bongan carita.

Lir samat nyeumat kana ruat
tapak bet jadi bati miyuni wanci
tapak jadi parentah pikeun neuleuman
naon nu baheula katingaleun
naon nu bareto kungsi katempo
jentre bet hanyang ka tincak.

Layung nu jadi gaungna simul
upaya jadi upama lamun
nitah kalawan carek
nangtang najan, bati wanci
bati jangji dina tapak kiwari.

SAMPURASUN