Pucuk Tigirang

Kaembung dina jero kahayang...
nutupan akal ngalakukeun nu lain kuduna..
kahayang kapaksa ku kaayaan..
nuntun jalan buntu...
dina waktu dunya nyarek kana naon nu geus jadi..

Deudeuh teuing...
kapaksa dina kasalahan datang jeung miang...
nyaah teuing...
ngadua jirim sampayeun dina pawenang..
ilang ngukur jeung ukur neundeun kalangkang...
ngahaja meulahan diri ku panglarang..

Inget kana eta...
lir hujan ku cipanon...
ngabaseuhan hanjakal baha...
karunya nu ilang mibutuh ku sabab...
naha make di teang nu antukna waktu kalah ngaruntagkeun...

Mugia ulah jadi rengating penggalih...
naon nu dipaksa jeung ngabukti nu lain waktuna...
hampura ngamimitian tur nginditkeun...
hampura geus nuntun pucuk tigirang...

Sampurasun

Hiji Catetan

Hiji catetan...
catetan lawas carita urang duaan...
duaan basa papada mekarkeun kembang katresna...
katresna dina tumpukan kanyaah...
kanyaah anu munggaran nitipkeun kamelang.

Hiji catetan baheula...
baheula basa ngamparkeun kaheman...
kaheman nu jadi papaes hareupan...
hareupan pikeun bela salawasna..
salawasna rek satuhu babarengan.

Naha kiwari bet ngarangrangan...
ngarangrangan mijadi lamunan...
lamunan nu tinggal waasna aya..
aya miguraan catetan jalan katukang...
katukang nembongkeun pipisahan...
pipisahan tina nu kungsi ditalian..
ditalian nu tadina anjangeun ayeuna.

Hiji catetan nu hanjakal..
hanjakal teu bisa nepi kana naon nu jadi impian..
impian, harepan ngan seret lamunan...
lamunan nganter pukasna hiji carita...
carita nu kungsi dipiagul.

Sampurasun
19 April 2013

Mangsa

Sajeroning ngeukeupan wanci
ngudag-ngudak arti pangarti
sangkan antukna ngancik dina diri
tungtutan mangsa mibutuh nu leuwih tikamari
cumponan hareupan nu ngajadi

Robah nu ninggang kana mangsa
netelakeun yen hirup ieu fana
naon anu kasorang aya
naon nu kungsi jeung bakal kacipta
lir aya dina ingon tunggara

Hayu papada saluyu
mibanda jalan nu tuhu
milampah ku harti dina jeroning kudu
mugia niat kuat harepan nu tangtu.

Sampurasun
18 April 2013
 

Kenangan Kelam

Goresan kelam sebuah perjalanan
terangkai dengan beragam dilema
tercipta melalui sebuah loncatan panjang
tentang apa yang seharusnya dan untuk apa seharusnya
terhadap yang semestinya ada.

Tulisan sebuah pencapaian
mengisahkan diri merangkai sebuah sejarah
memastikan sebuah kehilangan
dan membuka peluang untuk saling memiliki
walau dalam sebuah garis kehilangan.

Banyak yang telah terjadi
membuktikan pada semua
menuntut sebuah kutukan
dan menyadarkan sesuatu hal yang baru
bahwa jalan lain masih ada
walau harus melangkah dengan sebelah kaki.

Catatan kelam selembar kisah
menyesalkan penjumpaan
dan melukiskan rangkain akibat untuk saat ini
terlebih membuatkan seribu jawaban
tanpa harus melihat sebuah pertanyaan.

Pencapaian yang indah
untuk sesuatu yang diandalkan waktu
perhelatan tanpa membutakan kedua mata
walau hanya satu tangan yang menerima semuanya
untuk sebuah akhir dalam babak baru
dan untuk memahami semua arti.

Kenangan Kelam
17 April 2013

Hening Peuting (Kembang Lamunan)

Heningna Peuting
nempokeun katunggaraan
ngahudangkeun bayang implengan
nyadarkeun yen naon nu kungsi aya
ayeuna ukur jadi kembang na lamunan

Heningna Peuting
hayang bisa karandapan deui
carita nu kungsi ngeusian jerona hate
carita nu endah minuhan jalan
carita nu jadi kabanggaan diri

Hening Peuting
ukur katunggaraan nu nganteur nyata
geusan baheula papada incah
kiwari butuh ku naon nu tos leungit
kanyaah nu pernah aya ngabuktikeun
hanjakal waktu megatkeun
samemeh tepi kana kuduna


Hening Peuting
sanajan moal karandapan deui
inggis ngan ukur ngeusian endahna waktu katukang
gening tos gaduh jalan tanggung jawab eta
bet kunaha ieu teu bisa nyumputkeun kanyaah
miharep kasampeur deui
waktu katukang basa silih tungtun dina jalan rumpil

Hening Peuting
mukakeun sakabeh bubuka
naon nu kungsi kasorang
jeung implengan nu jadi harepan.

sampurasun
17 April 2013

Barang Nu Anyar

Barang nu anyar...
anyar miguraan diri pikeun milampah
milampah kahirupan dina garisan waktu
waktu nu hade dina jeroning lengkah
lengkah kamari lain nu ayeuna
ayeuna beda jeung nu engke estuning robah.

Barang nu anyar ngamumule...
ngamumule dina garisan takdir
takdir lir taraje anjangeun luhung
luhungna ibadat kagunturan madu menyan bodas
bodas keur bahan lukisan nu kuduna.

Asa lebar lamunmah can bisa nganyarkeun...
nganyarkeun pikeun ngabales nu kuduna eta
eta pikiraneun urang sajeroning ngarti
ngarti yen nu anyar hiji tanggung jawab.

Barang nu anyar...
anyar dina tujuan
tujuan miboga nu leuwih
leuwih tinu geus aya sangkan bisa ngayakeun.

Sampurasun

Papasangan Baheula

Papasangan baheula...
datang dina waktu geus kagok jauh.
panggih dina tengah kaembung.
jeung indit dina kahariwang kahayang.

Manehna netelakeun nu baheula kungsi leungit.
manehna ngajak deui nincak tapak bareto.
basa babarengan dina luhungna tujuan.
basa harita silih akeup dina sagara kaasih.

Bagja lamunmah masih keneh nu baheula ieu diri.
bagja lamunmah katempo ku sabeulah.
hayang deui mun inget kana carita nu kungsi kaalaman.
nanging geusan baheula.
tos aya nu linggih didieu.
tur bisa narima sakumaha nu kungsi ditemongkeun ku anjeun.

Papasangan baheula.....
ngaku diri masih miharep.
kabuka nu kungsi kaalaman.
basa urang panggih deui dina waktu nu lain kuduna.

Teuteup anjeun masih nu bareto.
imut anjeun masih kawas baheula.
deudeuh teuing lain eukeur salira deui ieu kaboga.
sanajan dugi ka kiwari tetep kula mikanyaah.

Beurat lamunmah emut kadinya.
naha atuh baheula anjeun bet miang.
mugia dia sanes waktos.
kasampeur ku nu leuwih ti kieu.
sanajan masih bisa karasa satukangeun tongong.
carita nu kungsi ku urang di tulis.

sampurasun

Wanoja

Meuli asakan gudeg nangka...
dituangna pas adzan subuh...
Bet kayungyun itu wanoja...
sae rupa tur lunguh ampuh...

Tamakang sisi kiara...
ngarumai ka jero talaga...
Akang nyaah kasalira...
rek micinta salamina...

Ngaukis layung sisi gunung...
neangan lauk ker batur ngariung...
Randa geulis loba nu hayang...
cik ah sugan kabandang...


Sampurasun

Kalangkang

Kalangkang....
maturan ngajajap tunggara.
nempokeun nu nembongan ilang.
nyarita miboga batur nu satuhu.

Kalangkang...
maturan diri ngajajap wanci.
jadi antosan sangkan bisa ngaliwatan.
ngaliwatan geusan ti carita nu pukah.

Kamana Leungitna ayeuna?
meureun katutupan ku gantina waktu.
eweuh deui nu satuhu maturan.
ukur kalangkang pangjajap carita ieu.

Kalangkang...
jirim anjeuna nu pernah narima.
ciri anjeuna nu salamina bakal aya.
sanajan zaman robah ngailangkeun sakuduna.

Sieun lamunmah terus kieu.
waktu nu mana baris karandapan.
naon nu kungsi aya jeung meungkeut deui nu kiwari pegat.
kalangkang ciri baheula mibawa carita...


sampurasun
15 April 2012

Malikeun Wanci

Lamumbah bisa malikeun wanci...
ciri nu jadi matak leungitna ayeuna...
narimakeun sabab tina kasalahan baheula..
lampah lir neundeun letah tiheula..
lampah ngaluncatan tapak nu geus aya...
ya.. kaduhung kiwari...
ripuh gening raga mamawa kaasingan...
nganteur-nganteur napsu nu lain kuduna...
naha ayeuna bet hese rek ngarobah...
baheula asa aing miboga zaman...
manteng sajeroning kawasa,,
saha nu bisa nuntun kana ieu...


sampurasun
14 April 2013

Nu Bakal Datang

Sieun kunu can datang
Lir nyieun tangga pikeun ngajul bulan
ngajadikeun nu bakal jadi
tur nyumputkeun nu tadina aya
dina gagahna halimun moyan..

Luhung nu can datang
ngajirim mukakeun tali kurungan
ngajak incah saengges pageuh
lir hilir mulak malik panghariwang

Can tangtu meureun....
papada nyarek kanu bakal disorang
sugan aya nu menta basa tur ngala
dina ngabuktikeun naon nu jadi sabab ti eta.

sampurasun
13 April 2013

Nuluikeun Bahasa Baheula

(Nuluikeun bahasa baheula)
- Lir nyokot nu moal karau...
- Nuna nu moal diteang..

(Nuluieun bahasa baheula)
- ukur katempo ti kajauhan..
ukur kateang bari moal kasampeur..

(Nuluikeun bahasa baheula)
- Rumpil dina dua jalan..
- Beda tapi maksa sarua..

(Nuluikeun bahasa baheula)
- Carita dina jero hanjakal...
- Tutulisan bari dicorat-coret ..

(Nuluikeun bahasa baheula)
- Moal neang nu kitu deui...
- Sanajan ngajangjikeun nu leuwih tikitu...

Sampurasun
12 April 2013

Eta

Ieu lain nu lian..
lian tidieu moal kaditu lumpatna...
lumpat kana naon nu baris jadi mimiti...
mimiti nu hiji...
hiji nu butuh kunu rongkah...
rongkah mukakeun jalan nu lain...

Ieu nu ieu baris jadi kieu...
kieu kusabab tadina kitu...
kitu nanaona lantaran mibutuh...
mibutuh nu tadina dianggap bisa mawa...
mawa jalana jeung tangtu bareng ngajalankeun..

Hanjakal lamunmah inget...
inget deui basa narima nu leungit...
leungit tina ieu harita...
harita waktu geus kagok jauh..
jauh nikreuh tibaheula sanajan papada mawa harti..

Geuning mawa hikmah ayeuna...
ayeuna karasa...
karasa yen diri bisa nempo saluhureun ti eta..


Sampurasun
10 April 2013

Perpustakaan

Lamun Urang Hayang Pinter
Teras Deukeutan Koncina
Nangtukeun Bakal Ngajadi
Diri Urang Pikeun Milampah Kahirupan
Pantona Ukur Buku
Ku Urang Buka Tur Baca
Cacanakeun Urang Pikeun Ngala Tujuan
Anjangeun Urang Dikala Butuh
Tuh Itu Gudangna
Naha Bet Hese Datang
Angkatkeun Sampean Kenca Katuh
Hurungkeun Niat Nu Poek Dina Hate
Tekadkeun Lebet Ka Perpustakaan...


Sampurasun
09 April 2013

Pantun (Maca Buku)

Daun Saga Daun Jamu
Katuruban Ku Dahan Nangka
Sok Gera Muka Buku
Ku Maca Konci Dunya Kabuka

Ngajaring Lauk Ditamakan
Rek Digoreng Jang Dahar Isya
Itu Gening Perpustakaan
Hayu Urang Budayakeun Maca


Gaduh Hiasan Tina Tamaga
Antik Rupana Ker Jualeun Sabtu
Aduh Geulis Pisan Itu Wanoja
Nuju Calik Bari Maca Buku

Sampurasun
09 April 2013

Pantun (Carita Baheula)

Melak Nangka Diastana
Rek Diala Jang Dahar Janari
Naha Atuh Lain Balaka
Meureu Tibaheula Urang Ngahiji


Nyieun Anyaman Tina Tangkal Awi
Pigurana Tina Tangkal Nangka
Lamunmah Panggih Deui
Rek Dibawa Sakumaha Janji Baheula


Daun Dadap Dipoe Garing
Nuang Kadu Hanapeun Kalapa
Meureun Ieu Hirup Urang
Kudu Lempang Dina Jalan Nu Beda


Sampurasun

Sugan

Asa ku genah...
asa boga bugang sorangan..
gagah ceuk sakompetan anjeun..
rek nepi kamana kikituan?

Sadar isuk pageto bakal manggih nu anyar...
moal era kitu nyoronong jiga nu eweh nanaon..
teu karasa naon nu di piboga ayeuna..
jauh gening katingaleun ti batur...
jauh gening kaluncatan ku nu lian...
sanajan anjeun katutupan keneh..
teu bisa nempo kanu ku batur ditempo....

Lebar temenan...
dedeg sampe rupa hade...
nanging kurang kakurung...
ukur engke-engkean gening mun dititah sorangan mah...

Sugan we ah kahartieun...
sugan we nepi...

samprasun