IJIB CARAKA

Soreang, 31 Januari 2015
Jam : 19.30
================================
Ijib basa ngayuga mawa hiji cara.
ngahalangan mijadi ruruhit pangbubuka.
katalian panineungan ngahanas nu aya.
antukna hanjakal nyawang tapak ku naha.

Ijib basa netela.
lir engke sabeulah ngangsrod dina caraka.
ngahurungkeun kudu sanajan teu upaya.
beurat milampah nu lain timalana.

Hayang ku beunang ka ala.
ijib caraka kabuka ku rampa.
sasadu ngamimitian tiheula.
sadar nempokeun sakumaha kuduna.
dina tarima rupaning basa.
nu kungsi samemehna ngayuga.

Sampurasun

TENTANG ITU

Tentang sebuah perjalanan dan pencapaian akhir dari tujuan.
memudahkan sesuatu untuk menutupi sesuatu.
melukiskan sebingkai untaian baru.
dengan mengesampingkan keharusan yang ada.

Tentang sebuah pelajaran dari tujuan.
yang mana menanamkan bentuk baru.
bentuk yang menuntut semua itu harus.
walau tidak semuanya bisa.
membuat pelajaran itu menjadi sebuah keputusan.
akan sebuah tentang dari jalan itu sendiri.

Yang mana harus didahulukan?
tentang sebuah atau sebuah menjadi tentang?
dan pada akhirnya semua itu.
menghubungkan antara hukuman dan pelajaran.

Tak tercipta jawaban baku.
hanya kebutuhan yang harus di tutupi.
manjadi alasan mengapa semua itu dilakukan.

Kembali kepada titik awal.
titik dimana terjadinya semua pertanyaan.
tuntunan mana dan diantara mana.
semua berebut membuat sebuah penjabaran.
dimana hanya akan menuntut keabsahan sebelumnya.

Sampai ini dibuat.
tentang itu tetap menjadi sebuah patokan.
saling memuai diantara jawaban yang tak pasti.
dan akhirnya saling mencela dengan begitu lekat.
hanya berjalan diatas ketentuan.
menjadi garis akhir dari itu.
tentang kemulusan sebuah kesalahan.

Soreang, 30 Januari 2015

PANEULEUMAN

Bral lengkah mapah panggugah
Nyukurkeun paranti satekah jeung polah
Neangan bibit pituduh
Neda neuleuman nu can kapanggih.

Bral mudal nu geus pinuh
Nyangkring dina kalung lampah
Dina nudunan panggupai nu pukah.

Bral udag nu can ka suprih
Teuneun hartina dina surupna polah
Omat ulah diaku mun geus lintuh
Cicing dina sirip panyuluh nu istiqomah.

Sampurasun
29 Januari 2015

HAREUPAN ANYAR

Lir caang ku tembong bulan
lir peuting nu awas ku poe
hate karasa bingah miagul lampah
naon nu bareto jadi karingrang
naon nu baheula pinuh ku kasieun
kiwari kahontal dina kedal
hiji wanoja nembongkeun papayung kanyaah.

Ciri nu kagambar dina raray
rupi nu baris matok cahyaning diri
jiga kalayan beda ku raga
beut ngistrenan hareupan ku anjeun
naon nu baheula kungsi leungit
dina naon nu bareto kungsi ka ala.

Suganteh moal pinanggih deui jeung kaheman
pangjurung kanyaah dina payusna imut salira
ku eta jadi pacantel kabungah miendah lampah
dina tapak katresna.

Hayu urang saluyu jeung nu kudu
papada sarua jeung nu di teda
urang bewarakeun ka pangeusi raga
yen ku ieu baris nepi kana panghareupan
hareupan anyar dina jalan nu pukah.

Sampurasun
28 Januari 2015

MIHAREUP

Mihareup datangna bulan
kaasih diri miraga katresna
miawas panangtayungan kanyaah
ti manehna nu kasawang ku sukma.

Mihareup ku hanas
teu ka sasar tiawalna
kanyaah jadi panglajur sesempalan
geus lain udageun deui itu kaasih
salira balaka geus aya nu boga.

Bet jadi kembang lamunan itu hareupan
hayangmah incah tina ieu nu meulit
nanging beuki dieu kalah beuki kandel
naon nu geus di pilih ku diri
dina tapak waktu nu salah.

Sugan, jeung susuganan
ku kagok ka sorang
carita baris kalukis
dina hiji wnci manehna karumasa
jeung waktu nu mengkol kana panglumpatan
ayeuna atawa jaga.

Sampurasun
28 Januari 2015

MINTURAGA

Minturaga neangan caraka luhung
mepetkeun ciri sayaktining diri
sasampayan nu jadi lalakon
lir gorowong sampakan karumasa

Rigeud ku cara nu ngancik
teu kapanggih sulumputna kulah
najan nyangkring dina simul ceukelan.

Minturaga ngaleungitkeun pangakuan
teu miboga nanaon nu jadi kunaon
amit lamunmah masih keneh linglung
lir nu lemah kajurung ku najan.

Geuning teu pinuh-pinuh nu mudal
hanas agul ku boga
hanas cicing asa ka asuh
ku teu nyaho kapohokeun
dina naon nu masih keneh anyar ku siar.


sampurasun
27 Januari 2015

HAMPURA CARITA BAHEULA

MANGLAYANG IMPENGAN KATUKANG
ngadodoho nu poho nganjang mihanas kagirang
ngancik kana naon nu tadina kasarung
lir ngahaja nu teu kahaja napakan tapak nu kalangkung.

MANGLAYANG NYAWANG NU DATANG
katampa ku raga ngarasa melang
geus jauh katingaleun ku kalangkang
nanging ku eta asa rongkah dina balungbang
kabungah nyumput ngaregang dina kemelang
kana naon jeung dina naon nu kiwari nyangkring.

HAMPURA TEU JIGA NEMBONGKEUNG CAANGNA BEURANG
hampura raga geus teu aya nu kosong
bongan harita papada nonggong
meureun takdir carita urang
ukur ngukir kaendahan wanci katukang
sanajan kiwari katresna papada nyangsang.

Sampurasun
16 JANUARI 2015

KADUHUNG

Angin pangbejakeun luhungna kahariwang
nu anggang ku waktu jeung pamolah sorangan
kiwari bet ngarumas ku anjeun
lantaran mibutuh hiji jawaban manehna.

Angin kirimkeun hiji siloka ku ieu
hampura nu jero sangkan mijadi gegero
inggis lamun can kaburu ku rau
naon nu ku manehna di ceungceum
alatan lampah polah kuring nu salah.

Bet hanjakal satukangeun
hanjelu naha baheula nurut panggero nafsu.

Sugan nepi kana sabab
sugan karasa ku rumasa
sugan mawa  jawaban ku niat nu payus.


sampurasun
25 Januari 2015
S. Restian S.Pd.I